ՀՀ անվտանգային համակարգի համար շատ կարևոր դերակատար է Իրանը․ Վարդան Ոսկանյան
- Jun 12, 2021
- 1 min read
Իրանական կողմի համար 44-օրյա պատերազմի հետևանքներն ընդունելի չեն։ Այդ մասին այսօր հրավիրված ասուլիսում ասաց «Պատիվ ունեմ» դաշինքի պատգամավորի թեկնածու Վարդան Ոսկանյանը։
Նրա խոսքով՝ իրանցիները բախվում են նոր հետևանքների: Խոսքը միջազգային ահաբեկչության մասին է, որի դեմ տարիներ շարունակ պայքարել է Իրանը;
«Հիմա հայ-իրանական հարաբերությունները կարող են զարգանալ ոչ միայն քաղաքական ու տնտեսական առումով, այլև ստեղվծեն գործակցության նոր միջավայրներ և հարթակներ, որոնք հնարավորություն կտան զարգացնել ՀՀ անվտանգության ապահովումը»,- նշեց նա։
Ըստ Վարդան Ոսկանյանի՝ ՀՀ անվտանգության ապահովումը «Պատիվ ունեմ» դաշինքի համար առաջնային է։ Դա ապահովելու համար, նրա խոսքով, դաշինքը գնալու է անվտանգային կառույցների հզորացման և միջազգային գործընկերների հետ գերակտիվ աշխատանքի ճանապարհով։
Վարդան Ոսկանյանը նշեց, որ այդ առումով Իրանն ունի չափազանց կարևոր նշանակություն։
Բացի այդ, դաշինքի ներկայացուցիչը տեղեկացրեց, որ իրենք ամեն բան անելու են ՌԴ-ի հետ հարաբերությունները հնարավորինս խորացնելու ուղղությամբ։
Comments