Վիրավորների թվի մասին տեղեկությունը հասու է միայն «Զինուժին»․ Վարդենիսի հոսպիտալի աշխատակից

Այսօր վաղ առավոտյան ՀՀ ՊՆ-ն հաղորդագրություն տարածեց, որ հուլիսի 28-ին` ժամը 03:40-ի սահմաններում ադրբեջանական ԶՈՒ ստորաբաժանումները հերթական անգամ դիմել են սադրանքի և խախտել հրադադարը հայ-ադրբեջանական սահմանի հյուսիսարևելյան հատվածում: Ըստ ՊՆ պաշտոնական հաղորդագրության՝ հայկական կողմն ունի երեք զոհ և երկու վիրավոր։ MediaHub.am-ը փորձեց կապ հաստատել Վարդենիսի հոսպիտալ՝ հասկանալու, թե ինչպե՞ս է վիրավորների վիճակը, և արդյոք նոր վիրավորներ չեն տեղափոխվե՞լ հոսպիտալ։ «Մենք միայն «Զինուժին» ենք տալու տեղեկություն, կգան, կլուսաբանեն, կիմանաք»,- մեզ հետ զրույցում ասաց Վարդենիսի ռազմական հոսպիտալի աշխատակից Ծովակ Սարդարյանը։