Վարդենիսում «Հայաստան» դաշինիքի թեկնածուն նախկին քաղաքապետն է, սակայն այլ դաշինքով

Դեկտեմբերի 5-ին կայանալիք ՏԻՄ ընտրություններում առաջադրվան ժամկետը երեկ ավարտվեց։

Վարդենիս խոշորացված համայնքում առաջադրվել է 3 ուժ՝ «Քաղաքացիական պայմանագիր» կուսակցությունը, «Միասնական Վարդենիս» և «Ահարոն Խաչատրյան» դաշինքները։

MediaHub.am-ի տեղեկություններով՝ «Միասնական Վարդենիս» դաշինքի ցուցակը գլխավորում է Վարդենիսի նախկին քաղաքապետ Արամ Հարությունյանը։ «Միասնական Վարդենիս» դաշինքի կազմում է նաև «Հայաստանը»։

«Միասնական Վարդենիս» դաշինքի ցուցակը գլխավորելու առաջարկ եղել է Գեղամասար համայնքի ղեկավար Հակոբ Ավետյանին, սակայն նա մերժել է առաջարկը, բայց իր աջակցություն է հայտնել Արամ Հարությունյանին։

Արամ Հարությունյանը Հանրապետական կուսակցության անդամ է և Վարդենիսը ղեկավարել է 2017-ի նոյեմբերի 13-ից մինչև 2018թ-ի դեկտեմբերի 3-ը։

Իշխող ուժը հայտարարել է, որ Վարդենիսում «Քաղաքացիական պայմանագիր» կուսակցության ցուցակը գլխավորում է Վարդենիսի ներկա համայնքապետ Արամ Մելքոնյանը։

«Դեմոկրատական այլընտրանք» կուսակցությունը ևս հայտարարել է, որ Վարդենիս խոշորացված համայնքում «Համերաշխություն» կուսակցության հետ «Ահարոն Խաչատրյան» դաշինքով է մասնակցելու ընտրությանը,․ իսկ ցուցակի առաջին համարը և համայնքապետի թեկնածուն Տորֆավան համայնքի ղեկավար Ահարոն Խաչատրյանն է։

Արմինե Նավոյան