ՀՀ տարածքում կան ադրբեջանցի զինվորներ, ինչո՞ւ դատախազը ձերբակալելու որոշում չի կայացնում․ Վարդևանյան

Համայնքների խոշորացումը ձևական նշանակություն չի կարող լինել, այն ունի միջազգային փորձից բխող տրամաբանություն, բայց այն, ինչ այսօր կատարվում է, ունի բացառապես քաղաքական բնույթ: Այդ մասին լրագրողների հետ ճեպազրույցում ասաց «Հայաստան» խմբակցության պատգամավոր Արամ Վարդևանյանը:

Նրա խոսքով՝ իշխանությունը տեսնում է, որ կան համայնքներ, որոնց ղեկավարները չեն ցանկանում իրենց ենթարկվել, այս ձևով փորձում են ազատվել նրանցից, ավելին, որպես պաշտոնակատար նշանակում են իրենց թեկնածուներին, որ կազմակերպի ընտրությունները:

«Արդեն իսկ ԱԺ պատգամավորների 1/5-ի ստորագրություններն առկա են՝ շատ հայտնի, քննարկված և հանրության ստվար զանգվածին օբյեկտիվորեն զայրացրած Առողջապահության նախարարի՝ օգոստոսի 26-ի հրամանի առնչությամբ։ Դրա վերաբերյալ դիմելու ենք Սահմանադրական դատարան։ Դիմելով ՍԴ՝ խնդրելու ենք նաև կասեցնել այդ հրամանի գործողությունը»,- ասաց Արամ Վարդևանյանը՝ անդրադառնալով հոկտեմբերի 1-ից ուժի մեջ մտնող առողջապահության նախարարի հրամանին։

Մանրամասն՝ տեսանյութում։