Վենեսուելայում Հայիթիի նախագահի սպանությունը և Մադուրոյի դեմ մահափորձը կապում են իրար

CTU Security անվտանգության ընկերությունը, որը ենթադրաբար կապված է Հայիթիի նախագահի սպանությունը նախապատրաստող մարդկանց հետ, կարող է ներգրավված լինել նաև 2018 թվականին Վենեսուելայի նախագահ Նիկոլաս Մադուրոյի դեմ մահափորձի գործում: Այդ մասին հայտարարել է Վենեսուելայի ազգային ասամբլեայի խոսնակ Խորխե Ռոդրիգեսը, գրում է «ՌԻԱ Նովոստի» գործակալությունը:

Ավելի վաղ Կոլումբիայի իշխանությունները հայտնել էին, որ հետաքննության ընթացքում հնարավոր է եղել պարզել, որ Մայամիում գրանցված անվտանգության ընկերության վարկային քարտով Բոգոտա-Սանտո Դոմինգո չվերթի ավիատոմսեր են գնվել 19 կոլումբացիների համար, որոնք ներգրավված են Հայիթիի նախագահի սպանության գործում: