Վերաքննիչը մերժել է Կենտոնի թաղապետարանում ծեծկռտուքի մասնակցին կալանավորելու միջնորդությունը
Վերաքննիչ դատարանը մերժել է դատախազի բողոքը՝ Կենտրոնի թաղապետարանի գլխավոր մասնագետ Արման Դավոյանի նկատմամբ կալանավորումը որպես խափանման միջոց ընտրելու վերաբերյալ։
Փաստաբան Էրիկ Ալեքսանյանը ֆեյսբուքյան էջում գրել է, որ Վերաքննիչ դատարանն օրինական ուժի մեջ է թողել առաջին ատյանի դատարանի որոշումը։
«Առաջին ատյանի դատարանը մերժել էր Արման Դավոյանի նկատմամբ կալանավորումը որպես խափանման միջոց կիրառելու վարույթն իրականացնող մարմնի միջնորդությունը (հիմնավոր կասկածի բացակայության հիմքով)»,- գրել է նա։
Ավելի վաղ հայտնել էինք, որ Կենտրոնի թաղապետարանում մայիսի 11-ին ծեծկռտուք էր տեղի ունեցել, որից հետո թաղապետարանի քաղաքաշինության և հողօգտագործման բաժնի պետ Մանվել Մարգարյանը հայտնել էր, որ իրեն մոտ 15 հոգով ծեծել են, ըստ որում՝ գլխավոր դերակատարները եղել են Դավոյանն ու Ազիզյանը։
Comments