82 և 64 տարեկան տղամարդիկ գողացել են պետական գույք հանդիսացող կաթսայատան խողովակները
Sep 11, 2021
1 min read
Սեպտեմբերի 10-ին, ժամը 10.55-ին, ոստիկանության Գավառի բաժին հաղորդում է ստացվել, որ Գավառ քաղաքի նախկին անտառտնտեսության տարածքից խողովակ են տեղափոխում: Այս մասին հայտնում է ՀՀ Ոստիկանությունը։
Ոստիկանության Գավառի բաժնից մեկնած օպերատիվ խմբի ծառայողները պարզել են, որ 82 և 64 տարեկան երկու տղամարդիկ «KAVZ» բեռնատարով գաղտնի հափշտակել են ՀՀ պետական գույքի կառավարման հաշվեկշռում գտնվող կաթսայատան ջեռուցման համար նախատեսված երկաթյա ծխատար խողովակները:
Տղամարդիկ բերման են ենթարկվել ոստիկանության Գավառի բաժին, իսկ բեռնատարը տեղափոխվել է բաժնի պահպանվող հատուկ տարածք: Վնասի չափը պարզվում է:
Կատարվում է քննություն։
Comments