Ստորագրվել է վրաց-ամերիկյան համաձայնագիր, որը նպատակ ունի ամրապնդել Վրաստանի պաշտպանունակությունը

Ավարտվել է ԱՄՆ-ի պաշտպանության քարտուղար Լլոյդ Օսթինի այցը Վրաստան: Վրաստանի պաշտպանության նախարար Ջուանշեր Բուրճուլաձեն Թբիլիսիի միջազգային օդանավակայանից հրաժեշտ է տվել իր ամերիկացի գործընկերոջը, կրկին շնորհակալություն հայտնել այցի և աջակցության համար և հաջողություն մաղթել։

Պաշտպանության նախարարի և Վրաստանի վարչապետի հետ երկկողմ հանդիպումներից բացի, Լլոյդ Օսթինն այցելել է նաև Հատուկ գործողությունների ուժերի ռազմաբազա:

Ինչպես հայտնում է Վրաստանի պաշտպանության նախարարությունը, այցի ընթացքում Վրաստանի պաշտպանության նախարարության և ԱՄՆ-ի պաշտպանության նախարարության միջև ստորագրվել է համաձայնագիր, որը նպատակ ունի ամրապնդել Վրաստանի պաշտպանունակությունն ու զսպման կարողությունները:

Վրաստանի անունից պաշտպանության նախարարը շնորհակալություն է հայտնել ԱՄՆ-ի կառավարությանը` ռազմավարական, հաջող և աճող համագործակցության համար, որը ծառայում է որպես պաշտպանական դաշինքի ապագա անդամ Վրաստանի պաշտպանունակությանը և ամրապնդում է երկրի դիմադրողականությունը: