Բաքվում կայացել է Իրակլի Ղարիբաշվիլիի և Իլհամ Ալիևի հանդիպումը

Բաքվում կայացել է Ադրբեջանի նախագահ Իլհամ Ալիևի և Վրաստանի վարչապետ Իրակլի Ղարիբաշվիլիի առանձնազրույցը: Վրաստանի վարչապետն ավելի վաղ հայտնել էր, որ մտադիր է Ալիևի հետ քննարկել «խաղաղ հարևանության նախաձեռնությունը»:

Ինչպես հայտնում են ադրբեջանական ԶԼՄ-ները, առանձնազրույցից հետո կայացել է երկու երկրի պատվիրակությունների աշխատանքային ճաշը: Հիշեցնենք, որ Ղարիբաշվիլիի ղեկավարած պատվիրակության կազմում ընդգրկված են Վրաստանի ԱԳ նախարար Դավիդ Զալկալիանին, էկոնոմիկայի և կայուն զարգացման նախարար Նաթիա Տուրնավան և կառավարության վարչակազմի ղեկավար Իլյա Դարչիաշվիլին:

Վրաստանի վարչապետը մասնակցելու է նաև երկու երկրների միջև տնտեսական համագործակցության միջկառավարական հանձնաժողովի նիստին: