Ղազախստանը սպառնում է պատժել հայերին. միջազգային սկանդալ
Կայացել է Եվրասիական արտոնագրային գրասենյակի ղեկավարի ընտրությունները: Արդյունքում Ռուսաստանի արտոնագրային գրասենյակի ղեկավար Գրիգորի Իվլիևը դարձել է Եվրասիական արտոնագրային գրասենյակի ղեկավար:
Նրա օգտին են քվեարկել Եվրասիական արտոնագրային կոնվենցիային միացած ութ երկրներից հինգի լիազոր ներկայացուցիչները: Հատկանշական է այն, որ Իվլիևին կողմ քվեարկած երկրների թվում են` Հայաստանը, Ադրբեջանն ու Ղրղզստանը: Փաստացի, այս քվեարկությամբ` Հայաստանը միացել է Ադրբեջանին, իսկ, օրինակ, Ղրղզստանի լիազոր ներկայացուցչին իր քվեարկության համար անմիջապես ազատել են զբաղեցրած պաշտոնից:
Ըստ օդում կախված լուրերի, չի բացառվում, որ հայաստանյան քվեարկության հետևում հնարավոր է լինի նաև կոռուպցիոն ռիսկեր, քանի որ Իվլիևի ընտրությանը շատերն են ոչ միանշանակ վերաբերում: Սակայն, առավել ուշագրավ է այն, որ Եվրասիական արտոնագրային գրասենյակի ղեկավարի պաշտոնին հավակնող երեք թեկնածուներից մեկը եղել է Ղազախստանի ներկայացուցիչը, ում ստացած ձայների քանակը չի հերիքել, ինչից հետո հնչել է հայտարարություն, թե իրենց թեկնածուին չսատարելու համար պատժելու են հայերին:
Comments