Աղին և Բագրավան գյուղերի մոտ մոտ 35 հա խոտածածկույթ է այրվել
- Jun 18, 2021
- 1 min read
Շիրակի մարզային ճգնաժամային կառավարման կենտրոնը հունիսի 18-ին, ժամը 15:48-ին տեղեկություն է ստացել, որ Աղին և Բագրավան գյուղերի մոտակա տարածքում այրվում է խոտածածկ տարածք։
Ինչպես տեղեկացնում են ՀՀ արտակարգ իրավիճակների նախարարության տեղեկատվության և հասարակայնության հետ կապերի վարչությունից, դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատների երկու մարտական հաշվարկ։
Պարզվել է, որ հրդեհը բռնկվել է Աղին գյուղի «Գեղոբա» կոչվող հանդամասում:
Ըստ աղբյուրի՝ հրշեջ-փրկարարները հրդեհը մեկուսացրել են ժամը 17:38-ին, մարել՝ 17:53-ին։ Այրվել է մոտ 35 հա խոտածածկույթ։
Comments