Խոզնավարում ադրբեջանցիները փորձե՞լ են առաջ գալ․ վարչական ղեկավարը պարզաբանում է
Հանգստյան օրերին որևէ միջադեպ տեղի չի ունեցել Սյունիքի սահմանին՝ Խոզնավարի մոտակայքում։ MediaHub.am-ի հետ զրույցում այդ մասին ասաց Սյունիքի մարզի Տեղ խոշորացված համայնքի Խոզնավար վարչական շրջանի ղեկավարի Վարո Գրիգորյանը՝ արձագանքելով Մարդկային զարգացման միջազգային կենտրոնի ղեկավար Թևան Պողոսյանի հայտարարությանը, թե Խոզնավարի մոտ կանխվել է թշնամու առաջխաղացման միտումը։
«Ես նման որևէ միջադեպի մասին տեղեկություն չունեմ, ամեն դեպքում, մեր գյուղի վարչական տարածքում միջադեպ տեղի չի ունեցել։ Միգուցե, նման դեպք տեղի է ունեցել Սև լճի տարածքում, այդ մասով բան ասել չեմ կարող, տեղեկության չեմ տիրապետում»։
Այսօր տեղի ունեցած մամուլի ասուլիսի ժամանակ Թևան Պողոսյանը հայտնեց՝ ունի տեղեկություններ, որ շաբաթ-կիրակի օրերին Ադրբեջանը ցանկացել է առաջ գալ Խոզնավարի ուղղությամբ, բայց մի քանի նվիրյալների ջանքերով չեզոքացվել է այդ առաջխաղացումը, և կիրակին ավելի հանգիստ է եղել։
Արմինե Նավոյան
Comments