Ղրղզստանի և Տաջիկստանի սահմանին տեղի է ունեցել միջադեպ

Տաջիկ զինվորականները քարեր են նետել ղրղզ սահմանապահի ավտոմեքենայի վրա: Այդ մասին հայտնել է Ղրղզստանի Ազգային անվտանգության պետական սահմանապահ ծառայության մամուլի կենտրոնը:

Տաջիկ հինգ զինվորական քարեր են նետել ղրղզստանցու ավտոմեքենայի վրա և փորձել են նաև նրան ձերբակալել, սակայն վերջինիս հաջողվել է հեռանալ:

Նշվում է, որ սահմանապահը չի տուժել, սակայն կոտրվել են մեքենայի ապակիները: