Եկատերինբուրգում տղամարդը կրակ է բացել բնակելի շենքի պատուհանից. կան վիրավորներ

Եկատերինբուրգում անհայտ անձը կրակ է բացել բնակելի շենքի պատուհանից, հայտնում է ներքին գործերի նախարարության մամուլի ծառայությունը։

Ոստիկանությունը տեղեկություն է ստացել, որ Բորոդին փողոցում կրակոցներ են լսվում:

Ինչպես հայտնել է Ուրալի շրջանի Ռոսգվարդիայի մամուլի ծառայությունը, մոտակա խանութներից մեկի աշխատակիցների ահազանգին անմիջապես արձագանքել է ՕՄՕՆ-ի ջոկատը։

Այժմ, ձեռնարկվում են միջոցառումներ կրակ բացած անձին ձերբակալելու ուղղությամբ։

Ինչպես նշել են ոստիկանությունում, կա երկու վիրավոր, նրանք հոսպիտալացվել են: Նախնական տվյալներով նրանցից մեկը երեխա է, որը ծայրահեղ ծանր վիճակում է:

Կատարվում է քննություն։