Երևանի և Վիլնյուսի միջև դեկտեմբերին կսկսվի ավիափոխադրում
Oct 25, 2021
1 min read
Հայաստանի և Լիտվայի մայրաքաղաքների միջև ուղիղ մարդատար օդային հաղորդակցությունը կսկսվի դեկտեմբերից։
Լիտվայի տրանսպորտի նախարարությունը հայտնում է, որ նախարար Մարիուս Սկուոդիսի խոսքով՝ երկու երկրների մայրաքաղաքների միջև օդային հաղորդակցությունը կնպաստի Լիտվայի և Հայաստանի միջև առավել ակտիվ համագործակցությանը, հումանիտար կապերի ամրապնդմանը, շփումներին ձեռներեցության և զբոսաշրջության ոլորտներում։
Շաբաթը երկու անգամ՝ չորեքշաբթի և կիրակի օրերին, երկու երկրների մայրաքաղաքների միջև թռիչքներ կիրականացնի հունգարական Wizz Air բյուջետային ընկերությունը։
Comments