Երևանի բնակարաններից մեկում գտել են տղամարդու դի

Սեպտեմբերի 26-ին, սպանություն է տեղի ունեցել Երևանում: Այս մասին հայտնում է shamshyan.com-ը:

Ժամը 00:50-ի սահմաններում ոստիկանության Մաշտոցի բաժնից ահազանգ է ստացվել Արտակարգ իրավիճակների նախարարության Փրկարար ծառայության, որ անհրաժեշտ է հրշեջ-փրկարարների օգնությունը, որպեսզի կարողանան բացել Սիսակյան 6 շենքի բնակարաններից մեկի դուռը:

Փրկարարները ընթերակաների ներկայությամբ բացել են դուռը, որտեղ հյուրասենյակի հատակին հայտնաբերել են տղամարդու դի:

Ըստ shamshyan.com-ի տեղեկեցությունների, կասկածյալը Հայաստանի և Իսրայելի քաղաքացի 55-ամյա Յուրի Մ.-ն է, ով բնակարանից բերման ենթարկվեց ոստիկանության Մաշտոցի բաժին: Ոստիկաններն ու քննիչները պարզել են, որ սպանվածը տվյալ բնակարանի բնակիչ, 56-ամյա Վաղինակ Ե.-ն էր: Դատաբժշկի նախնական եզրակացության համաձայն, նրա մարմնի վրա կար սուր կտրող-ծակող առարկայի հարվածից ստացած մի քանի վնասվածք: