Հայտնի է Ուկրաինայի նախագահի` ԱՄՆ այցի օրակարգը

Aug 31, 2021
1 min read

Ուկրաինայի նախագահ Վլադիմիր Զելենսկին աշխատանքային այցով ժամանել է Վաշինգտոն, որտեղ սեպտեմբերի 1-ին հանդիպում կունենա ԱՄՆ նախագահ Ջո Բայդենի հետ, երեքշաբթի հայտնել է ուկրաինական պետության ղեկավարի գրասենյակի մամուլի ծառայությունը:

«Զելենսկին և առաջին տիկին Ելենա Զելենսկայան ժամանել են Վաշինգտոն ԱՄՆ նախագահ Ջոզեֆ Բայդենի հրավերով Ուկրաինայի պետության ղեկավարի` Ամերիկայի Միացյալ Նահանգներ աշխատանքային այցի շրջանակներում: Այցի օրակարգը ներառում է երկու երկրների ղեկավարների անհատական և պատվիրակությունների ընդլայնված կազմով հանդիպումներ»,- ասված է ուղերձում:

Ըստ մամուլի ծառայության` տեղի կունենան նաև Զելենսկու մի շարք կարևոր հանդիպումներ ամերիկացի պաշտոնյաների հետ: Ինչպես և նախատեսված էր, Ուկրաինայի և ԱՄՆ-ի ներկայացուցիչները կստորագրեն մի շարք փաստաթղթեր: Այցելության ծրագիրը նախատեսված է մի քանի օրվա համար և կընդգրկի Միացյալ Նահանգների Արևելյան և Արևմտյան ափերի մի շարք քաղաքներ: