Այսօր Կապանում զոհված պահեստազորի սպան եռամսյա զորահավաքի մասնակից էր

Սեպտեմբերի 13-ին՝ ժամը 22:00-ի սահմաններում, ՀՀ հարավ-արևելյան ուղղությամբ տեղակայված մարտական հենակետերից մեկում, նախնական տվյալներով` մարտական ծառայության կազմակերպման կանոնների խախտման հետևանքով մահացու հրազենային վիրավորում է ստացել պահեստազորի սերժանտ, 1978թ. ծնված Մկրտիչ Սերյոժայի Հովակյանը: Այդ մասին պաշտոնապես հայտարարել է պաշտպանության նախարարությունը։

Սպա Մկրտիչ Հովակյանը եռամսյա զորահավաքի մասնակից էր։ Ծնվել է 1978 թվականին։

Մկրտիչ Հովակյանն ապրում էր Երևանում՝ Էրեբունի վարչական շրջանում։ Հայտնի էր «Ուժեղ» մականվամբ։ Դասավանդում էր Վահան Տերյանի անվան թիվ 60 դպրոցում․ ֆիզկուլտուրայի ուսուցիչ էր։ Նա նաև Հայաստանի «Դուքենդո» կարատեի ֆեդերացիայի անդամ էր։

Մկրտիչը որդու հետ մասնակցել էր 44-օրյա պատերազմին և ծանր վիրավորվել։ Ապաքինվելուց հետո շարունակել էր պաշտպանել հայրենիքը։

Նա ամուսնացած էր՝ երեք զավակի հայր։