Անցած գիշեր ադրբեջանցիները Վարդենիսի Վերին Շորժայի հատվածում կրկին առաջ են եկել․ «Հրապարակ»

Անցած գիշերվա ընթացքում ադրբեջանցիները Վարդենիսի Վերին Շորժա գյուղի հատվածում կրկին առաջ են եկել։ Այս մասին «Հրապարակի» հետ զրույցում ասաց Վերին Շորժայի գյուղապետ Արտյոմ Երանոսյանը․

- Պարոն Երանոսյան, ի՞նչ իրավիճակ է հիմա, ադրբեջանցիները կրկին առա՞ջ են եկել։

- Շատ քիչ, մոտ 20-30 մետր։

- Այդ հատվածը պահպանվո՞ղ է, իրենց տեղաշարժը հսկող կա՞։

- Բա ոնց։

- Կրակոցներ եղե՞լ են ։

- Ոչ մի հատ, ոչ մի փամփուշտ։

- Ընդհանուր առմամբ վերջին 2 օրերին ինչքա՞ն են առաջ եկել։

- Միանգամից իջել են, մի հատ հետ ենք տվել, դրանից հետո էլի իջել են, նույն դիրքում նստած են։

- Բանակցություններո՞վ եք հետ տվել, թե՞ ուժով։

- Առաջին օրը՝ բանակցություններով։

- Մեր կողմից ո՞վ է բանակցում։

- Զինվորականների հետ՝ ես, առաջին օրը։

- Մարզպետը եկե՞լ է այդտեղ, բանակցություններին մասնակցե՞լ է։

- Ես նման հարցերը չեմ իմանում, ես ի՞նչ իմանամ եկե՞լ է, թե՞ ոչ։

- Տվյալ պահին, երբ Դուք զինվորականների հետ այնտեղ եք եղել, մարզպետը Ձեզ հե՞տ է եղել։

- Ես չեմ կարող ասել, ամեն րոպե ես զինվորականների հետ չեմ։

- Համայնքում ի՞նչ իրավիճակ է, մարդիկ հո վախեցա՞ծ չեն։

- Նորմալ վիճակ է։

- Ասում եք՝ 20-30 մետր են առաջ եկել։

- Հա, իրենք էլ տեղ չունեն իջնելու։

- Ի՞նչ տարածքում են առաջ եկել, բլրի վրա՞ են։

- Բլուր է։

- Աշխարհազո՞ր է հսկում, թե՞ 2-րդ բանակային կորպուսը։

- 2-րդ բանակային կորպուսը։