«Արարատ-Արմենիա»-ի երկրպագուները պահանջում են հեռացնել մարզիչին
«Արարատ-Արմենիա» ֆուտբոլային ակումբի երկրպագուների ԱԼՖԱ ակումբը հայտարարություն է տարածել՝ պահանջելով գլխավոր մարզիչ Անատոլի Բայդաչնիի և մի քանի ֆուտբոլիստների հեռացումը։ «Պահանջում ենք անհապաղ հեռացնել մարզչին և մի քանի տուրիստ ֆուտբոլիստների: Վստահում ենք ակումբի ղեկավարությանը և միասին շարժվում դեպի մեր նպատակները։
Սպասում ենք լուրջ համալրումների. մյուս տարի կվերադառնանք ավելի ուժեղ», -ասվոււմ է հայտարարության մեջ։ Նրանց խոսքով՝ 3 տարվա մեջ ակումբն այնպիսի արդյունքների է հասել, որ այլ թիմեր 30 տարում չեն հասնում։
«Ֆուտբոլային տարին դժվար էր բոլորիս համար՝ կորոնավիրուս, պատերազմ, բայց ԱԼՖԱ-ն միշտ եղել է ու կլինի թիմի կողքին»,- ասվում է ԱԼՖԱ-ի տարածած հաղորդագրության մեջ:
Հիշեցնենք՝ «Արարատ-Արմենիան», որը նախորդ տարի հռակվել էր Հայաստանի չեմպիոն, երեկ` մայիսի 28–ին, պարտվեց «Ալաշկերտին»։
Comments