Ո՞ր ոլորտին է առաջնահերթ ուշադրություն դարձնելու ԳԱԱ նորընտիր նախագահը
ԳԱԱ նորընտիր նախագահ Աշոտ Սաղյանն ակադեմիայի ռազմավարություններից մեկը համարում է զենքի արտադրության ուղղությամբ աշխատանքը։ Այդ մասին նա հայտնեց այսօր հրավիրած ասուլիսում։
«Վերջին տարիներին ԳԱԱ-ն արդյունավետ է աշխատում ռազմարդյունաբերության ոլորտում։ Իմ ռազմավարական խնդիրների մեջ դա կարևոր կետ է։ Կարծում եմ՝ աշխատանքներն այդ առումով պետք է ակտիվացնել և բովանդակային իմաստով կանոնակարգել»,- ասաց Սաղյանը։
Ակադեմեիայի՝ արդեն նախկին նախագահ Ռադիկ Մարտիրոսյանն էլ նշեց, որ նմանատիպ խնդրի լուծման համար Հայաստանի գիտնականներն ունեն անհրաժեշտ փորձ ու գիտելիք, կարող են գործակցել զենքի արտադրությամբ և վաճառքով զբաղվող այլ երկրների հետ։
Ներկա և նախկին ղեկավարները նաև ներկայացրեցին ԳԱԱ ղեկավար կազմին։ Ակադեմիայի փոխնախագահ է ընտրվել ԳԱԱ թղթակից անդամ ֆիզիկոս Հրանտ Մաթևոսյանը, քարտուղարի պաշտոնում ընտրվել է երիտասարդ գիտնական Արթուր Իշխանյանը, նախագահության անդամների թվում է Աշոտ Մելքոնյանը, իսկ յոթ անդամներ վերընտրվել են։
ԳԱԱ օրենքի և կանոնադրության համաձայն՝ ակադեմիայի նախագահության ղեկավար անձնակազմի ընտրությունը տեղի է ունենում 5 տարին մեկ, և նույն անձը 2 անգամից ավելի չի կարող անընդմեջ վերընտրվել։
Comments