Ի՞նչ է նշանակում ԱՄՆ պետդեպարտամենտի՝ «խորհուրդ չի տալիս այցելել ՀՀ» զգուշացումը

Միջազգայնագետ Սուրեն Սարգսյանն անդրադարձել է ԱՄՆ պետդեպարտամենտի նախազգուշացմանը՝ Հայաստան և Արցախ չայցելու վերաբերյալ։

Սարգսյանի ֆեյսբուքյան գրառման մեջ մասնավորապես ասվում է․ «ԱՄՆ-ն իր քաղաքացիներին խորհուրդ չի տալիս այցելել ՀՀ կամ Ադրբեջան.

Ի՞նչ է սա նշանակում:

Ավելորդ լարվածությունից խուսափելու համար զուտ փաստեր շարադրեմ.

1. Նման զգուշացումները լինում են հերթական և արտահերթ:

2. 44 օրյա պատերազմից 2 օր առաջ նման զգուշացում եղավ:

3. Դրան նախորդել էին ադրբեջանաթուրքական զորավարժությունները և սահմանի երկայնքով ադրբեջանական զորքի կուտակումները:

4. Հիմա կարծես զորքի կուտակում չկա, բայց կա լուրջ լարվածություն:

5. Այս զգուշացումը տարածվում է մեր ՊՆ-ի հայտարարությունից հետո:

6. Այս թեմայով երկու օր առաջ ազգային անվտանգության հարցերով ԱՄՆ նախագահի խորհրդական Սալիվանը խոսել է Ալիևի և Փաշինյանի հետ: Այս պահին դեռ այսքանը»: