Իշխանությունները ոչ թե միլիոններ, այլ միլիարդներ են կերել. Ալեքսանդր Կոչուբաև
Փաստաբան Ալեքսանդր Կոչուբաևը անդրադառնալով վարչապետի պաշտոնակատար Նիկոլ Փաշինյանի կողմից Սպիտակ քաղաքում արված այն հայտարարությանը, որ իշխանությունները ասֆալտի գործից միլիոններ չեն կերել, վերջինիս հիշեցրել է Քաղաքաշինության կոմիտեի նախագահ Վահագն Վերմիշյանի բանտում գտնվելու հանգամանքը, համոզմունք հայտնելով, որ ոչ թե միլիոններ, այլ միլիարդներ են կերել:
«Վերմիշյանը, պաշտոնավարման ժամանակ, Հոլանդիայում պայմանավորվածություններ էր ձեռք բերել ասֆալտ փռող տեխնիկա գնելու հարցով, ընդ որում մի քանի հատը սկզբնական անհատույց։ Այդ տեխնիկան աշխատում է հետևյալ կերպ. գետնի ասֆալտը քերում է, վերամշակում ու նորից փռում, ընդ որում օրական 1 կմ։ Այս տեխնիկաները ՀՀ-ն ձեռք չբերեց, իսկ Վ. Վերմիշյանը' կալանավորվեց։ Հարց ինչի՞ համար, ճիշտ է` ասֆալտ գնելու, ատկատներ անելու, փող լափելու համար»,- գրել է նա։
Փաստաբանը նաև կարծիք է հայտնել, որ կա՛մ Փաշինյանը ստում է, կա՛մ՝ ՏԿԵ նախարարի պաշտոնակատար Սուրեն Պապիկյանն է այդ գումարները գրպանել, առաջարկելով վարչապետի պաշտոնակատարին Պապիկյանից ճշտումներ անելլ հոլանդական տեխնիկայի վերաբերյալ:
Comments