ԼՂ-ում սահմանազատման խնդիրները լուծելի են. Սերգեյ Լավրով
«Ռեգնում»-ի փոխանցմամբ, ՌԴ արտաքին գործերի նախարար Սերգեյ Լավրովն Ադրբեջանի նախագահ Իլհամ Ալիևի հետ հանդիպման ընթացքում ասել է, որ չնայած բարդությանը՝ ԼՂ տարածաշրջանում սահմանների հետ կապված խնդիրները լուծելի են:
«Այժմ մենք պետք է զբաղվենք «ցամաքի» մանրամասներով: Սահմանազատումների և սահմանագծումների հարցում ռազմական փորձագետների և դիվանագետների մասնակցությամբ մենք կարող ենք փոխընդունելի լուծումների գալ»,-հայտարարել է Լավրովը:
Հիշեցնենք, որ Ռուսաստանի արտգործնախարար Սերգեյ Լավրովը երեկ երկօրյա այցով մեկնել է Բաքու: Այցի շրջանակում նախատեսված են մի շարք հանդիպումներ՝ Լեռնային Ղարաբաղում իրավիճակը քննարկելու համար:
Ավելի վաղ՝ մայիսի 5-6-ը Սերգեյ Լավրովը Երևանում էր, որտեղ հանդիպումներ էր ունեցել Նիկոլ Փաշինյանի և ՀՀ ԱԳ նախարարի պաշտոնակատար Արա Այվազյանի հետ:
Comments