Կեղծիքի քարոզչամեքենան ճոռոմ «արդյունքներով» ուզում է երկարաձգել թշվառ գոյությունը․ Ոսկանյան

«Պատիվ ունեմ» դաշինքի պատգամավորի թեկնածու Վարդան Ոսկանյանը ֆեյսբուքյան էջում գրել է․

«Ճոռոմ «արդյունքների» ներկայացումը կապիտուլյանտ վարչախմբի ստի և կեղծիքի քարոզչամեքենայի կողմից ունի մի նպատակ՝ հուսալքության ու անելանելիության մթնոլորտ սերմանել Հայաստանում և երկարաձգել իր թշվառ գոյությունը։

Սա նաև միտված է «ստիպելու» պայքարող Հայաստանին ներքին կապիտուլյացիայի գնալու այս վարչախմբի առջև, որը կլինի Հայաստանի նաև արտաքին կապիտուլյացիայի վերջակետը և ադրբեջանաթուրքական դաշինքի ցանկությունների գագաթնակետը։

Ուստի, պետք չէ տրվել այս քարոզչական ստին և կեղծիքին։ Հիշե՛ք, որ սրանք նույնիսկ պատերազմ են կեղծել, էլ ուր մնաց, ընտրություն չկեղծեն»։