«Շատ գաղտնիքներ կան, որ մինչև հիմա չեմ ասել». Լևոն Տեր-Պետրոսյան
Ռոբերտ Քոչարյանն ասում է, որ բոլոր առաջարկները Ադրբեջանն էր մերժում: Բանալին այս արտահայտության մեջ է: Քոչարյանը պետք է մտածեր, թե ինչու է Ադրբեջանը մերժում, և շատ պարզ է թե ինչու, Ադրբեջանը մտածում էր, որ ժամանակը աշխատում էր իր օգտին: Այս էլեմենտար բանը չհասկացավ այդ մարդը, սա այդ հարցում քաղաքական մտքի լրիվ բացակայություն է: Այս մասին Հանրային հեռուստաընկերության եթերում հայտարարեց ՀՀ առաջին նախագահ Լևոն Տեր-Պետրոսյանը:
Նա նշեց, որ ժամանակն իսկապես աշխատեց Ադրբեջանի օգտին՝ այն տնտեսապես հզորացավ, Հայաստանը թուլացավ, ժամանակակից բանակ ստեղծեց, իսկ մեր բանակը լավ բանակ էր, բայց փոքրացավ:
«Շատ գաղտնիքներ կան, որ մինչև հիմա չեմ ասել, հիմա մեր բանակի թվաքանակն այնքան չէ, ինչքան 1994-1995թթ-ին՝ մեղմ եմ ասում, անգամ զուտ թվաքանակը: Որպեսզի մարդուց կախված լիներ սա, պետք է նրանք հասկանային: Սերժ Սարգսյանն ու Ռոբերտ Քոչարյանը չհասկացան, Վազգեն Սարգսյանն էլ չէր հասկացել: Այնքան պարզ բան է, որ ես սկսել եմ նույնիսկ վատ զգալ անընդհատ կրկնելուց»,- ասաց Տեր-Պետրոսյանը:
Аа
Comments