Վարդենիսում ադրբեջանցիները դի՞րք են վերցրել. «Հրապարակ»

«Հրապարակ» թերթը տեղեկություն ստացավ, որ այսօր Վարդենիսի հատվածում ադրբեջանցիները հայկական դիրք են վերցրել։ Փորձեցին տեղեկությունը ճշտել Վերին Շորժայի համայնքապետից, սակայն նա ասաց, որ չգիտի, և խորհուրդ տվեց պաշտպանության նախարարությունից ճշտել։ Կապվեցին նաև անկախ պատգամավոր Թագուհի Թովմասյանի հետ և հարցին, թե ճի՞շտ է, որ ադրբեջանցիները հայկական դիրք են վերցրել, Թովմասյանը պատասխանեց․

«Ես սահմանից շարունակում եմ մտահոգիչ տեղեկություններ ստանալ, և սպասում եմ պաշտոնական բացատրությունների»։

Տեղեկությունը հաստատեց Վարդենիսի բնակիչ, որը սպա է, ասաց, որ ադրբեջանցիները առաջ են եկել, և մեր դիրքը հայտնվել է նրանց թիկունքում, իսկ զինվորներից տեղեկություն չունի։ 

Խմբագրությունից փորձեցին պարզաբանում ստանալ Վարդենիսի քաղաքապետից, Պաշտպանության նախարարությունից և Գլխավոր շտաբից, սակայն բոլորը կա՛մ անջատել են հեռախոսները, կա՛մ էլ զանգերին չեն պատասխանում։