Վարչապետի խոսքում ոչինչ չլսեցի Գեղարքունիքի մարզի Վերին Շորժայի սահմանի հատվածի եւ ապագայի մասին

ՀՀ ԱԺ պատգամավոր Թագուհի Թովմասյանը ֆեյսբուքյան իր էջում գրում է.

«Ուշադրությամբ լսեցի վարչապետի խոսքերը եւ ուզում եմ հասկանալ՝ «ելման դիրքեր» ասվածն ինչ է իրենից ենթադրում։ Որտե՞ղ է ելման դիրքը եւ որտեղից պետք է հայելային հետ նահանջենք մենք՝ նույնն ակնկալելով Ադրբեջանից։

Նշվում է Սոթք-Խոզնավար համայնքների մասին եւ ինձ մոտ տպավորություն է, որ մենք ինքնաբերաբար Հայաստանի տարածքները կիլոմետր-կիլոմետր զիջում ենք։

Վարչապետի խոսքում ոչինչ չլսեցի Գեղարքունիքի մարզի Վերին Շորժայի սահմանի հատվածի եւ ապագայի մասին, ինչը նշանակում է, որ այնտեղից ներխուժած ադրբեջանցիները շարունակելու են մնալ հայկական տարածքում...»: