Նոր մանրամասներ Ֆելիքս Ցոլակյանի առողջական վիճակի մասին

MediaHub.am-ի տեղեկություններով Արտակարգ իրավիճակների նախկին նախարար Ֆելիքս Ցոլակյանի ինքնազգացողությունն արդեն լավ է, կյանքին վտանգ չի սպառնում։

Մեր աղբյուրի փոխանցմամբ վերջինս հիվանդանոց հերթական ստուգմանն էր գնացել, քանի որ սիրտն արդեն ստենտավորած էր և նման ստուգումները պարբերական բնույթ են կրում։ Հիվանդանոցում բժիշկները ցուցում են են տվել սրտի անոթներից ևս մեկը ստենտավորել, ինչն էլ իրականացվել է։

Ցոլակյանը այսօր կամ վաղը դուրս կգրվի հիվանդանոցից։

Հիշեցնենք, որ երեկ Armlur.am-ը գրել էր, որ Արտակարգ իրավիճակների նախկին նախարար Ֆելիքս Ցոլակյանը սրտի կաթված է ստացել և տեղափոխվել հիվանդանոց, որտեղ իրականացվել է սրտի ստենտավորում։